; ?>){kind=icon}
नेकपा एमालेको ११ औं राष्ट्रिय महाधिवेशनका लागि प्रतिनिधि बन्न ओखलढुंगाबाट ४१ जनाले उम्मेदवारी गर्दा गरेका छन् । जिल्लाबाट प्रतिनिधित्व हुने १२ पदका लागि ४१ जनाले उम्मेदवारी दिएका हुन् ।
निर्वाचन समितिका अनुसार खुला ६ पदमा २३, महिला ४ पदमा १०, युवा १ पदमा ६ र दलित १ पदमा २ जनाले उम्मेदवारी दिएका हुन् ।
ओखलढुंगाबाट यसअघि शिर्ष नेताहरु नै सहमति गरेर प्रतिनिधि बन्ने गरेकोमा यसवर्ष आकांक्षी धेरै भएकाले सहमतिको सम्भावना न्यून छ । यद्यपि सहमति जुटाउने प्रयास भईरहेको पार्टी उपसचिव एवम् प्रचार विभाग प्रमुख राजिव कट्वालले बताए ।
सहमति नभए १३ गते महाधिवेशन प्रतिनिधि चयनका लागि जिल्ला भरका एमालेका संगठित सदस्यहरुले मतदान गर्नेछन् ।
प्रतिक्रिया