नेपाल निजामति कर्मचारी संगठनकी केन्द्रिय अध्यक्ष भवानी दाहालले सङ्घीय निजामती सेवा ऐन चाडै जारी हुने बताएकी छिन् । ऐन निर्माणको अन्तिम चरणमा रहेको भनाई छ ।

आज ओखलढुंगामा भएको पत्रकार भेटघाटमा अध्यक्ष दाहालले जतिसक्दो छिटो ऐन ल्याएर निजामती प्रशासनलाई थप व्यवस्थित र चुस्त बनाउनुपर्ने बिषयमा आफुहरुले दबाब सिर्जना गरिरहेको बताएकी छिन् ।

पछिल्लो समय लगातार सरकार र सरोकारवाला सँग ऐन जारी हुनुपर्ने बिषयमा छलफल भइरहेको बताउँदै उनले चाडै नै ऐन जारी हुनेमा आफुहरु विस्वस्त रहेको बताईन् ।

अब आउने ऐन सर्वमान्य र कर्मचारी मैत्री आउने बताउँदै अध्यक्ष दाहालले कर्मचारीको भावना विपरित ऐन जारी भएमा आन्दोलनका कार्यक्रम गर्न तयार रहन उनले कर्मचारीहरुलाई आग्रह समेत गरकी छिन् ।