ओखलढुंगामा विविध कार्यक्रम सहित बीपी कोइरालाको जन्मजयन्ती मनाइएको छ । नेपाली कांग्रेसको पार्टी केन्द्रिय कार्यालयमा आइतबारबाट बीपी साहित्य महोत्सव शुरु भइरहँदा जिल्लामा पनि साहित्यीक प्रतियोगिता, हाजिरी जवाफ, वृक्षरोपण लगायतका कार्यक्रम भएका हुन् ।

कांग्रेस संस्थापक नेता कोइरालाको ११० औं जन्म जयन्तीको अवसरमा कांग्रेस नेताहरुले पार्टी कार्यालयमा एक कार्यक्रमका बिच बीपीको तस्बिरमा माल्यार्पण गरेका छन् ।

तस्बिरमा माल्यार्पणसँगै जिल्लाभर विभिन्न कार्यक्रम भएको नेपाली कांग्रेस ओखलढुंगाका सचिव तथा प्रवक्ता राजकुमार ढुंगानाले बताएका छन् ।

जिल्लामा आयोजित कार्यक्रमहरुमा बीपीको राजनीतिक जीवन, विचार, साहित्यीक विषयमा लगायत उनको योगदानका बिषयमा चर्चा भएको नेपाली कांग्रेस ओखलढुंगाले जनाएको छ ।