स्वर्गीय नेता छविलाल कार्कीको १३ औं स्मृति दिवस मनाइएको छ । छविलाल स्मृति प्रतिष्ठानको आयोजना र नेकपा एमाले ओखलढुंगा काठमाडौ सम्पर्क मञ्चको सहआयोजनामा राजधानीमा बृहत रक्तदान र विद्यार्थी सम्मान कार्यक्रम गरि स्वर्गीय नेता कार्कीको स्मृति दिवस मनाईएको हो ।

प्रतिष्ठानका अध्यक्ष एवम् छवि पत्नी सकुन्तला राजभण्डारीको अध्यक्षतामा भएको कार्यक्रममा ओखलढुंगाबाट एसइइमा उत्कृष्ट नतिजा ल्याउने विद्यार्थीहरु पुरस्कृत भएका छन् । कार्यक्रममा ७१ जनाले रक्तदान गरेका छन् ।

कार्कीकाे तत्कालीन नेकपा माओवादीका कार्यकर्ताहरुले भाला तथा रड प्रहार गरि २०६७ साल असार २४ गते हत्या गरेका थिए । उनी एमालेका राष्ट्रिय प्रतिनिधि परिषद् सदस्य थिए भने २०५६ काे आम निर्वाचनमा एमालेका उम्मदवार थिए । २०४७ काे जनआन्दाेलनमा वाम माेर्चाका संयाेजककाे रुपमा नेतृत्व गरेका थिए । हरेक वर्ष प्रतिष्ठानले स्मृति दिवसका रुपमा मनाउँदै आएकाे छ ।