ओखलढुंगा । नेकपा एमाले ओखलढुंगाले प्रचार विभाग प्रमुखको जिम्मेवारी सचिवालय सदस्य राजिव कट्वाललाई दिएको छ । पार्टी जिल्ला कमिटीको बैठकले जिम्मेवारी हेरफेर गर्दै यसअघि कार्यालय सचिव रहेका कट्वाललाई प्रचार विभाग प्रमुख तोकेको हो । जनसंगठनको केन्द्रिय तहमा रहेका कट्वाल केही वर्षयता भूगोलको राजनीतिमा सकृय छन् ।

यसअघि प्रचार विभागको जिम्मेवारी उपाध्यक्ष हर्कबोल राईसँग थियो ।  कार्यालय सचिवको जिम्मेवारी कमल धमलाले पाएका छन् ।

पार्टी गतिविधिलाई थप मजबुद बनाउने योजना तय गरिएको जिल्ला कमिटी सचिव कमल न्यौपानेले जानकारी दिए । एमालेले नयाँ जिल्ला इन्चार्ज खगेन्द्र राईलाई जिल्लामा स्वागत गरेको छ ।