; ?>){kind=icon}
सोलुखुम्बुको सोलुदुधकुण्ड नगरपालिका–१ दुधकुण्डमा जनै पूर्णिमामा लाग्ने मेलामा सहभागी भक्तजनका लागि नेपाली सेनाले निःशुल्क स्वास्थ्य सेवा सञ्चालन गरेको छ ।
साउन २१ गतेदेखि २६ गतेसम्म लाग्ने मेलामा भक्तजनको स्वास्थ्य जाँच र सहजिकरणका लागि दुर्गा बक्स गण ओखलढुंगाको आयोजनामा स्वास्थ्य सेवा सञ्चालन गरिएको हो ।
नेपाली सेनाका मेडिकल टिमले रिङ्मु, कामुडाँडा र सहर्स बेनीबाट निशुल्क स्वास्थ्य जाँच गरेको दुर्गा बक्स गण ओखलढुंगाका प्रमुख सेनानी विजय प्रकाश आङ्देम्बेले जानकारी दिए ।
हिमाली क्षेत्रको यात्राका क्रममा अक्सिजन कमी भएर सामान्य समस्या टाउको दुखाई, थकान, श्वास फेर्न गाह्रो हुनेजस्ता लक्षणको उपचार तथा स्वास्थ्य परामर्श दिन स्वास्थ्य सेवा सञ्चालन गरिएको प्रमुख सेनानी आङ्देम्बेले बताए ।
भक्तजनको स्वास्थ्य अवस्थालाई मध्यनजर गर्दै उक्त क्षेत्रमा मेडिकल टिम परिचालन गरिएको छ । निःशुल्क शिविरमा दर्जनौ दर्शनार्थीले सेवा लिएको गणले जनाएको छ ।
प्रतिक्रिया