ओखलढुंगामा मोटरसाइकल दुर्घटना हुँदा ४ जना घाइते भएका छन् । रमाईलोडाँडाबाट मिलनचोक तर्फ आउँदै गरेको बा ७८ प ८२९३ नम्बरको मोटरसाइकल र विपरित दिशाबाट जाँदै गरेको प्र २–०१–००१ प १०२६ नम्बरको मोटरसाइकल एक आपसमा ठोक्किएर दुर्घटना हुँदा दुवै मोटरसाइकलमा सवार ४ जना घाइते भएका हुन् ।

नारायणस्थानका ४४ वर्षका डुण्डिराम खनाल र निजको श्रीमती बर्ष २५ की यानुका खनाल सिनपा ११ का अविरबहादुर तामाङ र निजको श्रीमती  बर्ष ४८ की गोमा तामाङ घाइते भएको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए । घाइते ४ जनाकै ओखलढुंगा सामुदायिक अस्पतालमा उपचार भईरहेको छ ।