ओखलढुंगामा पहिलो पटक आयोजना हुने बज्रगुरु मन्त्रजप तथा विश्व शान्ति पुजालाई भव्य बनाउन सबैलाई एकतावद्ध हुन आवहन गरिएको छ । नाम्ड्रोल थरपालिङ गोन्पा चर्नालु र हिमालयन शेर्पा बौद्ध सांस्कृतिक समाजको संयुक्त आयोजनामा खिजीदेम्बा गाउँपालिका ४ स्थित नाम्ड्रोल थर्पालिङ गोन्पा चर्नालुमा यहि फाल्गुण २७ गतेदेखि चैत्र ४ गतेसम्म हुने बज्रगुरु मन्त्रजप तथा विश्व शान्ति पुजालाई ऐतिहासिक बनाउन सबै सरोकारवाला, व्यक्ति निकाय र संस्थालाई एकतावद्ध भएर आ–आफ्नो ठाउँबाट सक्दो सहयोग गर्न आवह्वान गरिएको हो ।

थोलेदेम्बा शेर्पा किदुकले शनिवार काठमाडौंमा बज्रगुरु मन्त्रजप सम्बन्धि प्रवचन कार्यक्रम राखेर ओखलढुंगामा हुने कार्यक्रमलाई ऐतिहासिक बनाउन योगदान गर्न अनुरोध गरेको हो ।

कार्यक्रममा बज्रगुरु मन्त्रजपको औचित्य बारे लामाहरुले प्रवचन दिएका थिए ।

जिल्लामा पहिलो पटक हुने बज्रगुरु मन्त्रजप तथा विश्व शान्ति पुजा सफल बनाउन आर्थिक, भौतिक तथा नैतिक रुपमा सकेको सहयोग गर्न आयोजकले सबैसँग अपिल गरेको छ ।

कार्यक्रमका लागि सहयोग जुटाउने अभियान थालिएको छ ।