ओखलढुंगाको ठुलाछापमा बोलेरो दुर्घटना एक महिलाको मृत्यु भएको छ । अन्य तीन जना घाइते भएका छन् । आज बुधबार साँझ ७ बजेको समयमा सिद्विचरण नगरपालिका–२ ठुलाछाप स्थित भित्री कच्चि सडक खण्डमा निशंखेबाट सदरमुकामतर्फ आउँदै गरेको बा १५ च ८५७० नम्बरको बोलेरो गाडी अनियन्त्रित भई दुर्घटना भएको हो ।

दुर्घटनामा सिद्दिचरण नगरपालिका–२ की अन्दाजी ४५ बर्षीय नरमाया राई मृत्यु भएको जिल्ला प्रहरी कार्यालय ओखलढुंगाका सूचना अधिकारी एवम् प्रहरी निरीक्षक बालिस्टर सिंहले भिजनलाई जानकारी दिए ।

उनका अनुसार गम्भीर घाइते राईको उपचारको क्रममा राति ८:२० बजेको समयमा मृत्यु भएको हो । दुर्घटनामा घाइते भएका सिद्धिचरण नगरपालिका–२ का १८ को बिबेक परियार, २९ बर्षीय मनोज कटवाल र २५ बर्षीय निरज कटवालको ओखलढुंगा सामुदायिक अस्पतालमा उपचार भइरहेको छ ।

अन्य घाइतेको अवस्था भने समान्य छ । बोलेरो सडक देखि करिब ५० मिटर तल झरेकाे जिल्ला प्रहरी कार्यालय ओखलढुंगाले जनाएको छ । घटनाको थप विवरण आउँन बाँकी छ ।