राष्ट्रिय युवा संघ नेपाल ओखलढुंगाले सर्वसम्मत नेतृत्व चयन गरेको छ । शनिवार सम्पन्न सातौं जिल्ला अधिवेशनले विनोद खत्रीको अध्यक्षतामा सर्वसम्मत नयाँ जिल्ला कमिटी चयन गरेको हो ।

अधिवेशन आयोजक कमिटीको अध्यक्ष बनेर युवा संघलाई चलायमान बनाएका खत्री अध्यक्षमा निर्विकल्प बनेका छन् । क्षमतावान अर्को युवालाई नेतृत्व हस्ताक्षर गर्ने बताएका खत्रीलाई जिल्ला पार्टी र युवा संघका प्रतिनिधिहरुले अध्यक्षकै जिम्मेवारी दिएका हुन् ।

युवा संघ जिल्ला कमिटी उपाध्यक्षमा उपाध्यक्षमा विवेक तामाङ, सचिवमा सुमन घिमिरे, सह सचिवमा सुवास घिमिरे र देवन राई, कोषाध्यक्षमा किरण श्रेष्ठ, युथफोस प्रमुखमा किरण जोशी श्रेष्ठ, साइबर सरकल प्रमुखमा रविन थापा निर्विरोध निर्वाचित भएका छन । क्षमता,भुमिका र भुगोलका आधारमा जिल्ला कमिटीले पूर्णता पाउने जनाइएको छ ।

ऐतिहासिक अधिवेशन सम्पन्न गर्दै सर्वसम्मत नेतृत्व चयन गरेर युवा संघले उर्जाशिल सन्देश दिएको एमाले जिल्ला कमिटी सचिव कमलप्रसाद न्यौपानेले बताए । सबै जनसंगठन चलायमान बनाउँदै जिल्लामा एकतावद्व र सुदृढ एमाले निर्माणमा पार्टी लागेको सचिव न्यौपानेको भनाइ छ ।

युवा संघ इन्चार्ज महेश बस्नेतको प्रमुख आतिथ्यतामा भएको युवा संघको सातौं जिल्ला अधिवेशनले संघका विगत कामको समिक्षा गर्दै आगामी योजनासमेत तय गरेको छ ।