सर्जकलाई प्रोत्साहन गर्न ओखलढुंगामा ‘धप प्रतिभा पुस्कार २०८०’ प्रदान गरिने भएको छ । प्रगतिशील लेखक संघ ओखलढुंगाले जिल्लामै पहिलो पटक धप प्रतिभा पुस्कार प्रदान गर्ने भएका हो ।

समाजसेवी सिताराम गुरुङले आफ्नो स्वर्गीय बुबा धनबहादुर गुरुङ र आमा पदमकुमारी गुरुङको नाममा स्थापना गरेको जिल्लाकै पहिलो प्रगतिशील साहित्यिक पुरस्कार नै धप प्रतिभा पुरस्कार हो ।

धप प्रतिभा पुरस्कार २०८० प्रगतिवादी धारमा रहेर कलम चलाउने जिल्लाका एक जना सर्जकलाई प्रदान गरिने प्रगतिशील लेखक संघ ओखलढुंगाका अध्यक्ष सानु कोविदले भिजनलाई जानकारी दिए ।

साहित्यप्रति आम नागरिकको आकर्षण घट्दै गइरहेको अवस्थामा समाज परिवर्तनको लागि साहित्यमा कलम चलाउने सर्जकलाई प्रोत्साहन गने उद्धेश्यले पुरस्कार प्रदान गर्न लागिएको उनको भनाई छ ।

१२ हजार १२ रुपैयाँ राशी भएको पुरस्कार नेपाल प्रज्ञा प्रतिष्ठानका कूलपति भुपाल राईद्धारा असोज ६ गते रुम्जाटारमा एक कार्यक्रमकाबिच प्रदान गरिने संघले जनाएको छ ।

प्रगतिशील लेखक संघ ओखलढुङ्गाद्वारा वितरण हुने समाजसेवी सिताराम गुरुङले आफ्नो बुबा धनबहादुर र आमा पदमकुमारी गुरुङको नाममा स्थापना गरेकाे ओखलढुङ्गा जिल्लाकै पहिलो प्रगतिशील साहित्यिक पुरस्कार हाे ।