ओखलढुंगा । बालिकालाई यौन दुर्व्यवहार गरेको आरोपमा ओखलढुंगाको सुनकोशीका एक पुरुष पक्राउ परेका छन् । आठ वर्षीया बालिकालाई यौन दुर्व्यवहार गरेको आरोपमा प्रहरीले सुनकोशी गाउँपालिकाका ४० वर्षीय रामकृष्ण कार्कीलाई उनको घरैबाट पक्राउ गरेको हो ।

आरोपित कार्कीले साउन ४ गते बिहीबार साँझ ७ बजे ति बालिकामाथि यौनदुर्व्यवहार गरेको भन्दै पीडित पक्षले दिएको उजुरीको आधारमा उनलाई पक्राउ गरिएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए ।

घटनाबारे अनुसन्धान प्रक्रिया अघि बढाइएको जिल्ला प्रहरी कार्यालय ओखलढुंगाले जनाएको छ ।

यसअघि प्रकाशित समाचारमा ठेगाना फरक परेकाले सच्याइएको छ । – सम्पादक