ओखलढुंगा । रुख लडेर बाटो अवरुद्ध भएको ओखलढुंगा–केतुके सडकको अवरोध हटाइएको छ । शनिबार बिहान सिद्दिचरण नगरपालिका ८ लग्लगे भुसुने डाँडामा ढलेको रुख पन्छाएर सडक खुलाइएको हो ।

सिद्दिचरण नगरपालिकाको स्काभेटर ल्याएर बाटोको अवरोध हटाइएको जिल्ला ट्राफिक प्रहरी कार्यालय ओखलढुंगाका प्रमुख एवम् प्रहरी सहायक निरीक्षक होम खतिवडाले भिजनलाई जानकारी दिए ।

बाटो अवरुद्ध हुँदा दर्जनौं सवारी साधन सयौं यात्रु अलपत्र परेका थिए । सडक पुनः सुचारु भएपछि रोकिएका सवारी गन्तव्यमा लागेका छन् ।