नेपाली कांग्रेसको भातृ संस्था नेपाल तामाङ संघ कोशी प्रदेशको संयोजकमा ओखलढुंगाका सुवास तामाङ मनोनीत भएका छन् । संघको बिधान २०६३ (संशोधन २०८१) बमोजिम तामाङलाई संयोजक नियुक्त गरिएको हो ।

संघका केन्द्रिय अध्यक्ष रामकृष्ण लामा (इन्द्र) द्वारा हस्ताक्षरित पत्र मार्फत तामाङलाई संयोजक मनोनयन गरिएको जानकारी दिईएको छ ।

पत्र मार्फत संयोजक तामाङलाई यो महिना भित्र कोशी प्रदेशका १४ वटै जिल्लाको अधिबेशन सम्पन्न गर्न निर्देशन दिइएको छ । नेपाल तामाङ घेदुङ ओखलढुंगाको अध्यक्ष समेत रहेका तामाङ नेपाली कांग्रेस सुनकोशी गाउँपालिकाको पार्टी उपसभापति पनि हुन् ।