व्यवसायिक तथा सीप विकास तालिम केन्द्र ओखलढुंगाले ३३६ जनालाई व्यवसायिक तालिम प्रदान गरेको छ । कार्यालयलको तथ्यांक अनुसार आर्थिक बर्ष २०८०÷०८१ मा ओखलढुंगाका मात्रै ३३६ जनाले विभिन्न प्रकारको व्यवसायिक सीप सिकेका हुन् ।

तालिम लिनेमा पुरुष भन्दा महिलाको संख्या दोब्बर रहेको छ । तथ्यांक अनुसार ११० जना पुरुष तालिममा सहभागी भएका छन् भने २३३ जना महिलाले तालिम लिएको कार्यालय प्रमुख जितेन राईले बताए ।

नियमित र विशेष सीप विकास अन्तर्गतका तालिममा ओखलढुंगा सहित सोलुखुम्बु र खोटाङका गरि ६८८ जनाले सीपमुलक तालिम लिएका छन् । तथ्यांक अनुसार ओखलढुंगाका ३३६, खोटाङका १४८ र सोलुका १९३ जनाले तालिम लिएका हुन् ।

विभिन्न स्थानिय तहसँगको समन्वयमा उद्यमसिलता र सीपविकास तर्फ कटाई–सिलाई, आधारभूत कम्प्युटर, केश श्रंगार, ढाका बुनाई, कुक, बेकरी र होम स्टे लगायतका तालिम सन्चालन गरिएको प्रमुख राईले जानकारी दिए । युवाहरुलाई स्वरोजगार बनाउने उद्देश्यले तालिम प्रदान गरिएको कार्यालयले जनाएको छ ।