दुई लाख नगद चोरी गरेको आरोपमा ओलखढुङ्गामा १६ वर्षिय किशोरलाई प्रहरीले पक्राउ गरेको छ । सिद्धिचरण नगरपालिका–८ जरङ्गेको एक घरबाट नगद दुई लाख चोरी गरेको आरोपमा प्रहरीले उनलाई पक्राउ गरेको हो ।

स्थानिय नरबहादुर गुरुङको घरबाट किशोरले दुई लाख चोरी गरेको आरोप छ । पक्राउ परेका किशोरको साथ बाट ९९ हजार नगद फेला परेको ओखलढुङ्गा प्रहरी निरीक्षक विजय कार्कीले बताए ।

प्रारम्भीक अनुसन्धानमा किशोरले गुरुङको घरबाट नगद चोरी गरेको स्वीकारेको प्रहरी निरीक्षक कार्कीले जानकारी दिए । बाँकी नगद र घटनाबारे थप अनुसन्धान भइरहेको जिल्ला प्रहरी कार्यालय ओखलढुङ्गाले जनाएको छ ।