ओखलढुंगाको सुनकाेशी गाउँपालिका-९ ककनीमा बिहिवार साँझ परेकाे चट्याङले चार वटा गाई गाेरु मरेका छन् । स्थानीय गुम बहादुर तामाङकाे गोठमा बाधि राखेकाे दुई वटा गोरु, एउटा लैलो गाई र एउटा बाछी चट्याङ लागेर मरेका हुन् ।

यसका साथै तामाङकाे घरमा रहेको २० वाटको सोलार प्यानल एक थान र १२ भोल्टको ब्याट्री एक थानमा समेत क्षति पुगेको छ ।
यस्तै सोही ठाउँका धन बहादुर तामाङको घरमा पनि २० वाटको सोलार प्यानल एक र थान १२ भोल्टको ब्याट्री एक थानमा क्षति पुगेको जिल्ला प्रहरी कार्यालय ओखलढुंगाका प्रहरी निरीक्षक बिजय कार्कीले जानकारी दिए ।
चट्याङका कारण कुनै मानविय क्षति भने नभएको प्रहरी निरीक्षक कार्कीले बताए । क्षतिको यकिन विवरण आउन बाँकी रहेको छ ।