गाइजात्राको दिन भदौ ४ गते मंगलबार ओखलढुंगाको सिद्धिचरण नगरपालिकाले सार्वजनिक बिदा दिएको छ । साउन ३१ बिहीबार बसेको नगर कार्यपालिकाको बैठकले मंगलबार सार्वजनिक बिदा दिने निर्णय गरेको हो ।

नगरपालिकाले एक सूचना जारी गर्दै सार्वजनिक बिदाबारे जानकारी गराएको छ ।

यस बर्ष भदौ ४ गते नेवार समुदायले मनाउने परम्परागत सांस्कृतिक गाईजात्रा पर्व परेकोले सार्वजनिक बिदा दिने निर्णय गरेको हुँदा नगरपालिकाको कार्यालय तथा मातहतका वडा कार्यालय, शिक्षण संस्था, स्वास्थ्य संस्था र संघ–संस्थाहरुलाई सार्वजनिक बिदा दिइएको नगर उपप्रमुख केदारबाबु बस्नेतले बताए ।

नेवारी समुदायले एक वर्षभित्र दिवंगत भएका आफन्तको सम्झनामा गाईजात्रा निकाल्ने गर्दछन् ।

हिलेजात्रा अन्तर्गत मनाइने लाखेजात्राको अवसरमा ओखलढुंगा सदरमुकाम सहित जिल्लाका नेवार समुदायले गाइजात्रा पनि निकाल्ने गरेका छन् ।