ओखलढुंगाको बेतिनीमा धमलाहरुको पुर्खा जगन–जधुको सालिक अनावरण गरिएको छ । जिल्लाको सिद्धिचरण नगरपालिका–१० बेतिनीमा सोमबार जनैपूर्णिमाको अवसर पारेर सालिकको अनावरण गरिएको हो ।

करिब चार सय बर्षअघि बेतिनीमा धमला वंशका प्रथम पुर्खा जगन धमला र दोस्रो वंश जधु धमला आएर बसोबास गरेको इतिहासलाई सम्बर्द्धन गर्न सालिक निर्माण गरेर अनावरण गरिएको वडा अध्यक्ष रमेश धमलाले बताए ।

जगन–जधु प्रतिष्ठनले निर्माण गरेको सालिकको संरक्षणका लागि घेराबार गर्ने काममा वडाले सहयोग गरेकाे थियाे ।

सालिक अनावरणकै अवसरमा संस्कृति संरक्षणको लागि बालन–भजन नृत्य कार्यक्रम पनि गरिएको थियाे ।