चिशंखुगढी गाउँपालिका-१ कुईभीर ओखलढुंगाकाे केराबारी जंगलमा लागेकाे आगाे वस्ती पस्दा एक घर जलेर नष्ट भएकाे छ । अपरान्ह ४ बजे लागेकाे आगाेले स्थानिय हाल यामबहादर राई बस्दै आएकाे आशबहादुर राईको कच्ची घर जलेकाे हाे ।

राईकाे ढुङ्गा माटोले बनेको, फूसको छाना भएको तीन तले घर, घर भित्र रहेको अन्तपात, लत्ता कपडा, भाँडावर्तन, काठपात र नगद ७० हजार नगद जल्दा करिब १० लाख बराबरकाे क्षति भएकाे जिल्ला प्रहरी कार्यालय ओखलढुंगाका प्रहरी निरिक्षक बालिस्टार सिंहले बताए ।

मानविय क्षति नभएको प्रहरी निरिक्षक सिंहले जानकारी दिए । राईकाे घरमा रहेका १० वटा कुखुरा जलेर मरेका छन् भने एउटा सुंगर घाईते भएकाे छ । जंगलमा आगलागी भईरहेकाे प्रहरीले जनाएकाे छ । खानिभञ्ज्याङ प्रहरी चाैकी बाट खटिएको प्रहरी र स्थानियले आगाे नियन्त्रण गर्ने प्रयास गरिरहेका छन् । सुख्खा माैसम सुरु भए सँगै जिल्लाका विभिन्न स्थानका वन जंगलमा आगलागी भएकाे छ ।