क्यान्सर पीडित अमृताको पुनर्जीवनका लागि सहयोग गरौं !

“मलाई यो संकटमा हजुरहरू सबैले साथ दिनुभयो भने मेरी श्रीमतीले पुनः जीवन पाउनेछिन् भन्ने विश्वास लिएको छु,” भावुक हुँदै श्रीमान् मिनकुमारले भने ।

अमृताकाे बाँच्न सक्ने आशा अझै मरेको छैन । उनीप्रति देखाइएको सहानुभूति, साथ र सहयोग आजैको आवश्यकता हो । तपाईँको एक सानो सहयोगले अमृताको जीवन फेरि उज्यालो बनाउन सक्छ ।

सुनकोशी गाउँपालिका–१, भिरगाउँ ओखलढुंगाकी ३५ वर्षीया अमृता गुर्बाछान मगर क्यान्सरजस्तो घातक रोगसँग जीवन र मृत्युको कठोर लडाइँ लडिरहेकी छन् । पाठेघरको मुखबाट सुरु भएको क्यान्सर हाल ठूलो आन्द्रा, पिसाव नली र पिसाव थैलीसम्म फैलिएको छ । भक्तपुरस्थित क्यान्सर अस्पतालमा झन्डै छ महिनादेखि उपचाररत अमृताको अवस्था दिनप्रतिदिन गम्भीर बन्दै गएको छ ।

उनका श्रीमान् मिनकुमार गुर्बाछान मगरका अनुसार हालसम्म करिब १९ लाख रुपैयाँ खर्च भइसकेको छ । व्यक्तिगत सम्पत्ति बेचबिखन, आफन्तजन तथा सहयोगी दाताहरुको साथबाट संकलन भएको रकमले हालसम्मको उपचार सम्भव भएको हो । तर क्यान्सरको यो गम्भीर अवस्थामा थप उपचारका लागि ठूलो रकम आवश्यक परेकाले उनले आम नागरिकसँग आर्थिक सहयोगको अपील गरेका छन् ।

सहयोग गर्न चाहने महानुभावहरूका लागि विवरणः सहयाेग गरेपछी कमेन्टमा जानकारी दिनुहाेला हामि सार्वजनिक गर्नेछाैं ।

१. माछापुच्छ्रे बैंक

खाता नामः मिनराज गुर्बाछान मगर

खाता नं. ०९५०९६०५७७९०००१२

२. ग्लोबल आइएमई बैंक

खाता नामः अमृता गुर्बाछान मगर

खाता नं. ०८४०९०१२६९१५३१

३. ईसेवा मोबाइल नं. ९८१०७०३८३९ (मिनराज गुर्बाछान मगर)