; ?>){kind=icon}
आगामी फागुन २१ गते सम्पन्न हुने प्रतिनिधिसभा सदस्य निर्वाचनलाई स्वच्छ, स्वतन्त्र, निष्पक्ष, विश्वसनीय तथा भयरहित वातावरणमा सम्पन्न गराउने उद्देश्यले ओखलढुंगामा मदिरा बिक्री–वितरण, ओसारपसार तथा सेवनमा पूर्ण रोक लगाइएको छ ।
जिल्ला प्रशासन कार्यालय ओखलढुंगाले जारी गरेको सूचनाअनुसार फागुन १४ गते राति १२ः०० बजेदेखि निर्वाचनको अन्तिम मत परिणाम घोषणा नभएसम्म जिल्लाभर मादक पदार्थ सम्बन्धी सम्पूर्ण गतिविधि निषेध गरिएको हो ।
जिल्ला प्रशासन कार्यालय ओखलढुंगाका प्रमुख प्रशासकीय अधिकृत रोशन श्रेष्ठका अनुसार निर्वाचन अवधिभर होटल, रेष्टुरेन्ट, मदिरा पसल तथा अन्य व्यवसाय सञ्चालन गर्ने सबै व्यवसायीहरूले उक्त निर्णयको अनिवार्य पालना गर्नुपर्नेछ ।
निर्वाचनलाई शान्तिपूर्ण, मर्यादित र व्यवस्थित बनाउन मदिराजन्य पदार्थको बिक्री–वितरण तथा सेवनमा रोक लगाइएको प्रशासनले जनाएको छ ।
सूचना विपरीत मदिरा बिक्री–वितरण, ओसारपसार वा सेवन गरेको पाइएमा प्रचलित कानुन बमोजिम कडा कारबाही गरिने प्रशासनले चेतावनी दिएको छ ।
प्रशासकीय अधिकृत श्रेष्ठले सबै राजनीतिक दल, उम्मेदवार, व्यवसायी तथा सर्वसाधारणलाई नियमको पूर्ण पालना गरी निर्वाचनलाई सफल बनाउन सहयोग गर्न आग्रह गरेका छन् ।
प्रतिक्रिया