शिक्षक सेवा आयोग उत्तिर्ण भएका प्राथमिक तह तृतिय श्रणीका ८७ जना शिक्षकलाई नियुक्ती पत्र प्रदान गरिएको छ । शिक्षा विकास तथा समन्वय इकाई ओखलढुंगाले नियुक्ती पत्र प्रदान गरेको हो ।

सिद्धिचरण नगरपालिकामा नौं जना, मानेभञ्ज्याङमा १४ चिशंखुगढीमा १२,  मोलुङमा १२, सुनकोशीमा नौं, चम्पादेवीमा आठ, लिखुमा आठ र खिजीदेम्बा गाउँपालिकामा १५ जना शिक्षक नियुक्त गरिएको शिक्षा विकास तथा समन्वय इकाई प्रमुख सुरेश ढकालले बताए ।

जिल्ला समन्वय समिति प्रमुख टेकराज भट्टराईको प्रमुख आतिथ्यतामा कार्यक्रम आयोजना गरी नव प्रवेसी शिक्षकहरुलाई बधाई तथा शुभकामना दिईएको छ ।

उनिहरुलाई भोली र पर्सी अभिमुखीकरण तथा सेवा प्रवेश तालिम प्रदान गरिने कार्यालयले जनाएको छ । सम्बन्धीत पालिकाले ती शिक्षकलाई पुनः नियुक्ती दिएर बिद्यालयमा पठाउने छन् ।