रामेछापको गोकुलगंगा गाउँपालिका–६ फर्पुमा फोर्स गाडी दुर्घटना हुँदा वडा अध्यक्ष सहित पाँच जनाको मृत्यु भएको छ । शुक्रबार दिउँसो भएको दुर्घटनामा परी एक बालकसहित तीन जना घाइते भएका छन् ।
काठमाडौँबाट गोकुलगंगा गाउँपालिका–३ रस्नालु जाँदै गरेको त्रिवेणी यातायातको ना १ ज ७१२३ नम्बरको फोर्स गाडी दुर्घटना भएको हो ।
दुर्घटनामा परेर गोकुलगंगा गाउँपालिका–४ का वडाध्यक्ष रामचन्द्र बस्नेत सहित ५ जनाको मृत्यु भएको जिल्ला प्रहरी कार्यालय रामेछापका प्रमुख डिएसपी प्रदीपकुमार सिंहले जानकारी दिए ।
डिएसपी सिंहका अनुसार दुर्घटनामा मृत्यु हुनेमा बस चालक हिराबहादुर कार्कीको समेत ज्यान गएको छ । अन्य मृतकको पहिचान खुलेको छैन ।