ओखलढुंगामा ८२ बर्षीय हजुरआमाको हत्या गरेको आरोपमा १३ बर्षीय नाती पक्राउ परेका छन् ।
हजुरआमाले गाली गरेको निहुमा सहन नसकी आगो फुक्ने ढुंग्रीले प्रहार गरि हत्या गर्ने जिल्लाको खिजीदेम्बा गाउँपालकाका एक १३ बर्षीय किशोरलाई आइतबार ओखलढुंगा प्रहरीले पक्राउ गरेको हो ।
मंसिर ६ गते खिजीदेम्वा गाउँपालिका–६ बस्ने ८२ कि ठगमायाँ सुनुवार आफ्नै भान्सा कोठामा मृत फेला परेकोे र घटना शंकास्पद देखिएपछि प्रहरीले अनुसन्धान सुरु गरेको थियो ।
वृद्धा हत्या आरोपमा अनुसन्धानकै क्रममा मृतककै नाती नाता पर्ने १३ बर्षीय किशोरलाई पक्राउ गरिएको जिल्ला प्रहरी कार्यालय ओखलढुंगाका प्रमुख एवम प्रहरी नायव उपरीक्षक कृष्ण खड्काले जानकारी दिएका छन् ।
अनुसन्धानका क्रममा ती किशोरले हजुरआमाको गाली सहन नसकी आवेशमा आएर हत्या गरेको स्वीकार गरेका छन् । हजुरआमाले आफुलाई सँधै बिनाकारण गाली गलौज गर्ने गरेको र मंसिर ५ गते पनि सधैँ झै मादक पदार्थ सेवन गरि आफुलार्ई अपशब्द र गाली गलौज गरेको तथा कुटपिट समेत गरेकोले सहन नसकि आगो फुक्न प्रयोग हुने फलामको ढुंग्रीले टाउकोमा प्रहार गरेको आरोपितले स्वीकार गरेका छन् ।
आरोपित किशोरले घटनापछि सोही अवस्थामा छाडी हिडेकोमा निजको मृत्यु भएको हो भनी स्विकार गरेकाले उनी विरुद्ध कर्तव्य ज्यान सम्बन्धी मुद्धा÷कसुरमा सोमबार अदालतबाट म्याद थप गरि अनुसन्धान कार्य भइरहको जिल्ला प्रहरी कार्यालय ओखलढुंगाले जनाएको छ ।