ओखलढुंगामा चाडवर्पको अवसरमा सञ्चालन गरिएको सुपथ मुल्य पसलबाट ३७ लाख ८३ हजारको चालम बिक्री भएको छ । खाद्य व्यवस्था तथा व्यापार कम्पनी लिमिटेडले चाडवर्पको अवसरमा सञ्चालन गरेको सुपथ मुल्य पसलबाट ३७ लाख ८३ हजार मुल्य बराबरको चामल बिक्री भएको हो । असोज ७ गतेदेखि सञ्चालनमा गरिएको  चाडपर्व लक्षित सुपथ मूल्य पसलबाट ५०० क्विन्टल चामल बिक्री भएको कार्यालयका शाखा प्रमुख मौसम माझीले बताए ।

सदरमुकामामा सञ्चालित सुपथ मूल्य पसलबाट अरुवा सोना मन्सुली चामल २३० क्वीन्टल र स्टिम जिरा मसिनो चामल २७० गरि ५०० क्वीन्टल चामल बिक्री भएको प्रमुख माझीले जानकारी दिए । ३७ लाख ८३ हजार मुल्य बरारको चामल बिक्री गर्दा दुई लाख ५० हजार छुट दिइएको माझीको भनाई छ ।

प्रति परिवार दुई बोरा दिने गरिएकोमा अब भने एक बोराको दरले मात्रै चामल बिक्री गरिने कार्यालयले जनाएको छ । कम्पनीले दुवै थरि चामलमा प्रतिकिलो ५ रुपैयाँ छुट दिएको छ ।