राज्य व्यवस्था तथा सुशासन समितिका सभापति रामहरि खतिवडाले ओखलढुंगाका कारागारमा रहेका कैदिबन्दीलाई खसी उपहार दिएका छन् । विभिन्न कसुरमा कारबाही भोगिरहेका कैदिबन्दीलाई खतिवडाले दशैंको अवसर पारेर खसी दिएका हुन् ।

आवेग, उत्तेजना, परिबन्ध, हेलचेक्राँइ कानुनी अज्ञानतासहितका विविध कारण कानुनी कारबाहीमा परेर कैद भुक्तान गरिरहेपनि चाडपर्वको समयमा घरपरिवार र विगतको रमाईलो सम्झना आउने भएकाले कैदिबन्दीको पनि दशैं उमंगमय बनाउन खसी र चामल उपलब्ध गराएको खतिवडाले बताए । खतिवडाले कारागारमै पुगेर २ बोरा चामल र एउटा खसी जेलर लेखनाथ दाहाललाई हस्तान्तरण गरेका छन् । 

खतिवडाले विगतका वर्षहरुमा पनि दशैंको बेला कैदिबन्दीलाई मासुभात खान खसी र चामल सहयोग गर्दै आएका थिए ।

विगतमा सांसद रहँदा संविधानसभा सदस्य यज्ञराज सुनुवारले पनि कैदीलाई खसी उपहार दिने गरेका थिए ।

कैदिबन्दीलाई दशैंमा खसी चुनाव नजित्दा रामहरिले दिएका थिएनन् । चुनाव हारेपछि यज्ञराजले पनि दिएका छैनन् ।