सिद्धिचरण नगरपालिका–२ ठुलाछापमा विपन्न परिवारलाई खाद्यन्न सहयोग प्राप्त भएको छ । रोजगारीको सिलसिलामा काठमाण्डौ बस्दै आएकी ठुलाछापकी सम्झना कटवालको आर्थिक सहयोगमा तिलक बहादुर दमाई परिवारलाई खाद्यन्न सहयोग प्राप्त भएको हो ।

कटवाल मार्फत प्राप्त नगद तीन हजार ५०० ले एक बोरा चामल, तीन किलो नुन, दुई पोका दाल लगायत मसला र साबुन खरिद गरेर दमाई परिवारलाई हस्तान्तरण गरिएको वडाअध्यक्ष वसन्त कटवालले बताए ।

वृद्ध अवस्थाका दमाई विरामी परेका कारण घर खर्च अभाव भएको अवस्थामा यो सहयोगले उनको परिवारलाई केही दिन सहज हुने वडाअध्यक्ष कटवालको भनाई छ । करिब ७० वर्ष उमेरका दमाईको परिवारमा श्रीमती सहित चार जना छोराछोरी छन् ।