ओखलढुंगाको लिपेखोलामा एक महिला मृत फेला परेकी छिन् । मोलुङ गाउँपालिका-१ गहतेकी दिलकुमारी श्रेष्ठ खाेलामा मृत फेला परेकी हुन् ।

सिद्धिचरण नगरपालिका-९ ज्यामिरेबाट कुन्तादेवी आउने बसेरीको झोलुंगे पुलमुनि श्रेष्ठलाई मृत फेला पारिएको मोलुङ गाउँपालिका-१ का वडाध्यक्ष कमल बानियाँले जानकारी दिए ।

मृतक श्रेष्ठ एक हप्ता अगाडिदेखि ज्यामिरे माइत गएकी थिइन् । उनी हिजै कुन्तादेवी घर फर्कँदा खोलाले बगाएको हुनसक्ने अनुमान गरिएको छ । उनको शव आज फेला पारिएको हो । घटनाकाे अनुसन्धानका लागि प्रहरी परिचालन भएकाे बुझिएको छ ।