ओखलढुंगा कारागारमा कैदीबिचको झडपले तनाव सिर्जना भएको छ । बिहीबार बिहान ३ बजेको समयमा कैदी–कैदी बिच झडप भएको हो ।

अवस्था तनावपूर्ण बनेपछि तत्कालको लागि कारागारमा रहेका नाइके र सह–नाइकेलाई नुवाकोट कारागारमा स्थान्तरण गरिएको कारागार कार्यालय ओखलढुंगाका जेलर लेखनाथ दाहालले बताए । ‘बिहीबार बिहानीपख ३ बजे तिर घटना भएको हामीले थाहा पायौँ । आन्तरिक कलहका कारण उनीहरु बिचमा झगडा भएको रहेछ । अहिलेलाई अप्रिय घटना नहोस् भन्नका लागि नाइके र सह–नाइकेलाई नुवाकोट कारागार पठाइएको छ ।’ उनले भने ।

कारागारमा यस्ता घटना बेलाबेलामा भइरहने भए पनि कैदी र नाइके तथा सह–नाइके बिच धेरै असझदारी बढेपछि झगडाको अवस्था सिर्जना भएको आफुले पाएको जेलर दाहालको भनाई छ ।

आगामी दिनमा यस प्रकारका घटना हुन नदिनका लागि कारागार प्रशासन लथप गम्भीर रहने उनले बताएका छन् ।