ओखलढुंगाको सुनकोशी गाउँपालिका–१ बलखुमा जनश्रमदानबाटै सडक मर्मत गरिएको छ । वडा अध्यक्ष सापकोटाकाे अगुवाई र स्थानीयको सक्रियतामा मोलुङखोला दोभान–छत्रेपाखा देखि साँधीसम्मको सडक मर्मत गरिएको हो ।

सुनकोशी–१ का २२ जना र वडा नम्बर ४ का पनि १० जना भन्दा बढी स्थानीयको सक्रियतामा बर्षातका कारण बिग्रिएको बाटो मर्मत गरिएको वडा अध्यक्ष प्रकाश सापकोटाले जानकारी दिए । बर्षातका कारण बाटो बिग्रिएर आवजावतमै समस्या भएपछि स्थानीय जुटेर सडक मर्मत गरेको उनको भनाई छ ।

मर्मत पनि आवातजावत सुचारु भएको छ ।

श्रमदानमा जुट्ने स्थानीयको लागि वडा कार्यालयले खाजाको व्यवस्था गरेको थियाे । स्थानीयले स्वतस्फुर्त रुपमा श्रमदान गरेका थिए ।

पालिकाले बेवास्था गरेका कारण श्रमदानबाटै सडक मर्मतमा स्थानीय जुटेका हुन् ।