ओखलढुंगाको खिजीदेम्बालाई दुई वटा एम्बुलेन्स प्राप्त भएको छ । समाजसेवी आङदोर्जे शेर्पाको पहलमा क्याप्टेन ओमले ओम मङ गिल फाउन्डेसन् मार्फत पालिकालाई एम्बुलेन्स प्रदान गरेका हुन् ।

पालिकाका विभिन्न क्षेत्रमा एम्बुलेन्सको अभावमा समयमै उपचार नपाएर बिरामी तथा सुत्केरीले अकालमै ज्यान गुमाउनुपर्ने बाध्यता रहेकोले आफ्नो आग्रह अनुसार पालिकालाई फाउन्डेसनले एम्बुलेन्स प्रदान गरेको गाउँपालिका अध्यक्ष गम्बु शेर्पाले बताए ।

सुविधासम्पन्न दुई वटा एम्बुलेन्स फाउन्डेसनले पालिकालाई प्रादन गरेको छ । एम्बुलेन्स आधिकारिक रुपमा हस्तान्तरण भने केही महिना पछि गर्ने भए पनि सेवा भने केही दिनमै सुचारु गरिने उनले जानकारी दिए । दाताबाट आएको एम्बुलेन्सको पालिकाले सहि सदुपयोग गर्ने पनि अध्यक्ष शेर्पाले प्रतिवद्धता जनाए । ।

पहलकर्ता आङदोर्जे शेर्पा र सहयोगी फाउन्डेशनलाई पनि उनले धन्यवाद दिएका छन् ।