नेपाल प्रहरी श्रीमती संघको ४० औँ वार्षिकोत्सवको अवसरमा ओखलढुंगा सदरमुकाममा सरसफाई गरिएको छ । जिल्ला प्रहरी कार्यालय ओखलढुंगाको आयोजनामा जिल्लाको सिद्धिचरण नगरपालिका–११ मा स्थित जाल्पा मन्दिर परिसरमा सरसफाई गरिएको हो ।

दिवसको अवसरमा वृक्षरोपण, विद्यार्थीलाई शैक्षिक सामाग्री वितरण र सचेतना लगायतका कार्यक्रम भइरहेकोमा त्यसैको निरन्तरता स्वरुप सरसफाई गरिएको जिल्ला प्रहरी कार्यालय ओखलढुंगाका प्रमुख प्रहरी नायव उपरीक्षक कृष्ण खड्काले जानकारी दिए ।

ऐतिहासिक तथा धार्मिक सम्पदाको संरक्षण सम्वद्र्धन गर्न र वातावरण स्वच्छ राखे स्वस्थ रहिन्छ भन्ने सन्देशको लागि पनि सरसफाई कार्यक्रम गरिएको उनले बताए ।

कार्यक्रममा जिल्ला प्रहरी कार्यालय ओखलढुंगाका प्रहरी कर्मचारी, नेपाल प्रहरी श्रीमती संघका पदाधिकारी तथा सदस्य, सरकारी तथा गैह्र सरकारी कार्यालयका कर्मचारी, स्थानीय नागरिक लगायत सरोकारवालाको सहभागिता रहेको थियो ।