ओखलढुंगाको सिद्धिचरण नगरपालिका–२ ठुलाछापमा स्थित साबित्रादेवी मन्दिर परिसरमा सरसफाई तथा विभिन्न जातका फुलका विरुवाहरू रोपिएको छ ।

ऐतिहासिक महत्व बोकेको उक्त मन्दिरमा सोमबार जनप्रतिनिधि र स्थानीयको सक्रियतामा सरसफाई तथा फलफुलका बिरुवा रोपिएको हो । ठूलाछापका सबै सार्वजनिक महत्वका स्थलहरु सरसफाई गर्न स्थानिय नागरिक तथा सरोकारवालाहरुलाई जागरुक बनाउने उद्देश्यले उक्त कार्यक्रम गरिएको वडा अध्यक्ष बसन्त कट्वालले बताए ।

‘आफ्नो घर अनि टोलबस्ती आँफै हरियाली, सुन्दर र सफा बनाउ ! समृद्ध आत्मनिर्भर ठूलाछाप निर्माणमा सहभागिता जनाउँ !’ भन्ने नाराका भएको कार्यक्रममा स्थानीयको सक्रियतापुर्वक सहभागी भएको उनले बताए ।

उक्त मन्दिरमा यस अघि पुर्व–सेनापति रुक्माङ्गद कटवालको सहयोग र पहल तथा दुर्गा बक्स गणका गणपतिको नेतृत्वमा सरसफाई, रङ्गरोगन, घण्टी चढाउने र हिन्दु धर्म संस्कृति अनुसार पाठपूजा समेत गरिएको थियो ।