प्रहरीले ओखलढुंगामा गाँजा खेती नष्ट गरेको छ । जिल्लाको सिद्धिचरण नगरपालिका–११ मिलनचोक नजिकै वितलवमा एक रोपनी क्षेत्रफलमा फैलिएको गाँजा शनिबार बिहान प्रहरीले नष्ट गरेको हो ।
अस्थायी प्रहरी पोष्ट मिलनचोकबाट प्रहरी हवल्दार अभिनारायण श्रेष्ठको कमाण्डमा खटिएको प्रहरी टोलीले उक्त परिमाणको गाँजा नष्ट गरेको जिल्ला प्रहरी कार्यालय ओखलढुंगाले जनाएको छ ।
नेपालको कानुनले गाँजा खेती गर्नुलाई अवैध मान्ने र गाँजा लगायतका लागूऔषधको दुर्व्यसनीमा युवाहरू फस्नेक्रम बढिरहेकोले यसलाई निरूत्साहित गर्न पनि अवैध गाँजा नष्ट गरिएको प्रहरीले जनाएको छ ।