ओखलढुंगाको मोलुङमा एक वृद्ध मृत अवस्थामा भेटिएका छन् । जिल्लाको मोलुङ गाउँपालिका–६ श्रीचौर सोलाखर्कका ६५ बर्षीय खडानन्द दाहाल विहिबार रामपुर–श्रीचौर सडक खण्डको ढुंगेमा मृत फेला परेका हुन् ।

दाहालको मृत भेटिएपछि स्थानीयले प्रहरीलाई खबर गरेका थिए । घटनास्थलमा तत्काल प्रहरी खटिएर आवश्यक कानुनी प्रक्रिया पुरा गरि शव पोस्टमार्टमको लागि जिल्ला अस्पताल रुम्जाटार पठाइएको जिल्ला प्रहरी कार्यालय ओखलढुंगाका प्रहरी निरीक्षक बिजय कार्कीले जानकारी दिए ।

घटनाबारे अनुसन्धान थालिएको जिल्ला प्रहरी कार्यालय ओखलढुंगाले जनाएको छ ।