ओखलढुंगाकाे सुनकाेशी गाउँपालिका-५ मुलखर्कमा भव्य रुपमा बुद्ध जयन्ती मनाईने भएकाे छ । नागिभीर पहारामा निर्माण गरिएकाे बुद्धकाे प्रतिमा स्थलमा पुजाआजा सहित बुद्ध जयन्ती मनाईने मन कुमार तामाङले बताए ।

त्यसका लागि तयारी पूरा भएकाे तामाङकाे भनाई छ । बुद्धकाे पुजा दर्शनका लागि आउने भाग्यमानी एक जना दर्शनार्थीले आधा ताेलाकाे सुनकाे सिक्का प्राप्त गर्ने तामाङले बताए । दर्शनार्थी मध्ये भाग्यशालीले उक्त सिक्का प्राप्त गर्ने उनकाे भनाइ छ ।

करिब ४५ लाख लागतमा मन कुमारलेनै नागिभीरमा बुद्घकाे प्रतिमा बनाएका हुन् । उनकै अगुवाइमा मुलखर्कका स्थानीयहरुकाे सहभागीतामा बुद्ध जयन्तीकाे अवसरमा वर्षेनी पुजा आजा र मेलाकाे आयाेजना गर्ने गरिएकाे छ ।