ओखलढुंगामा चट्याङ लागेर एक पुरुषको मृत्यु भएको छ । वर्षा सँगै परेको चट्याङ लागेर जिल्लाको मानेभञ्ज्याङ गाउँपालिका–५ काे माथिल्लो रिचुवाका ६६ वर्षीय तिलक बहादुर मगरको ज्यान गएको हो ।
बुधबार सुवाडाँडा सामुदायिक जङ्गलमा गोठालाे गएका मगरको चट्याङ लागेर घटना स्थलमै मृत्यु भएको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले जानकारी दिए ।

घटना बारे जानकारी पाउनसाथ प्रहरी चौकी मानेभञ्ज्याङबाट प्रहरी टोलि पुगेर घटनास्थल सुरक्षित राखेर थप अनुसन्धान गरिरहेको जिल्ला प्रहरी कार्यालय ओखलढुंगाले जनाएको छ ।