उच्च अदालत अस्थायी इजलासमा २६ प्रतिशत बढी मुद्दा फर्छ्याेट

उच्च अदालत अस्थायी इजलासमा २६ प्रतिशत बढी मुद्दा फर्छ्याेट


भिजन समाचार
2.5k
Shares

उच्च अदालत विराटनगर अस्थायी इजलास ओखलढुंगाले लक्ष्य भन्दा २६ प्रतिशत बढी मुद्दा फर्छ्याेट गरेको छ । अदालतले साउन देखि वैशाख मसान्तसम्म गरि दश महिनाको अवधिमा लक्ष्य भन्दा २६.४ प्रतिशत बढी मुद्दा फर्छ्याेट गरेको हो ।
दश महिनामा २३१ मुद्दा फछ्र्यौट गर्ने लक्ष्य लिएको भए पनि लक्ष्य भन्दा बढी २९२ थान मुद्दा फर्छ्याेट गरिएको अदालतका रजिष्ट्रार बिष्णु पाण्डेले जानकारी दिए । मंगलबार कार्यालयमा आयोजना गरिएको पत्रकार सम्मेलनमा रजिष्ट्रार पाण्डेले अदालतमा ३५८ थान मुद्दा रहेको बताए ।

जसमा १२० थान जिम्मेवारी सरेको र २३८ नयाँ दर्ता भएका छन् । उहाँका अनुसार सबैभन्दा बढी सरकारवादी फौजदारी मुद्दा २२३ थान, व्यक्तिवादी फौजदारी २२ थान, व्यक्तिवादी देवानी ५१, शुरु मुद्दा १० र रिट निवेदन ५२ थान रहेका छन् ।
अदालतले सार्वजनिक गरेको तथ्यांक अनुसार सरकारवादी फौजदारी मुद्दाहरु मध्ये जवरजस्ती करणी सम्बन्धी मुद्दा मात्र ९५ थान रहेका छन् । अहिले अदालतमा रहेका सबै मिसिल स्क्यान भएको रजिष्ट्रार पाण्डेले बताए । यसले सेवामा सहजता भएको उनको भनाई छ । अभिलेख दर्ता भएका ४ हजार १८१ थान मुद्दा मध्ये सबै मुद्दा सफ्टवेरमा इन्ट्री भएको अदालतले जनाएको छ ।