ओखलढुंगामा पाहा मार्ने क्रममा चिप्लिएर खोलाको दहमा लड्दा एक पुरुष बेपत्ता भएका छन् । आइतबार १७ः ३० बजेको समयमा चिशंखुगढी गाउँपालिका–७ ठोट्ने खोलामा साथीहरुसँग पाहा मार्न गएका जिल्लाको सिद्विचरण नगरपालिका–५ चुप्लुका २९ वर्षिय सन्तोष राई बेपत्ता भएका हुन् ।

पाहा मार्ने क्रममा चिप्लिएर लडि खोलाको दहमा डुबी बेपत्ता भएका उनको प्रहरी टोली र स्थानीयको सहयोगमा खोजी कार्य भइरहेको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले जानकारी दिए ।

उनको अवस्था हाल अज्ञात रहेको जिल्ला प्रहरी कार्यालय ओखलढुंगाले जनाएको छ ।