रुखको हाँगाले लाग्दा ओखलढुंगाको ज्यामिरेका एक पुरुष गम्भीर घाइते भएका छन् । मंगलबार बिहान खहरे दोभानमा स्थानीयको दाहसंस्कारको लागि उतिसको रुख काट्ने क्रममा हाँगाले लाग्दा सिद्धिचरण नगरपालिका–९, ज्यामिरेका अन्दाजी ५० बर्षीय लेख बहादुर बानिया गम्भीर घाइते भएका हुन् ।

रुखको हाँगाले लाग्दा उनको बायाँ हात, दाहिने पट्टिको कन्चटमा चोट लागि घाइते भएपछि उपचारको लागि तत्काल उद्धार गरि ओखलढुंगा सामुदायिक अस्पताल लगिएको थियो ।

सामान्य उपचार पछि उनलाई थप उपचारको लागि हेलिकप्टर मार्फत काठमाण्डौ लैजाने तयारी भइरहेको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले जानकारी दिएका छन् ।