सिद्धिचरण लोकमार्ग अन्तर्गत ओखलढुंगाको मानेभञ्ज्याङ गाउँपालिका–६ हिलेपानी डडुवाडाँडामा अटो दुर्घटनामा परेको छ । हिलेपानी देखी वडा नं.७ हर्कपुर झर्दै गरेको प्र.२–०१–००१ ह ०२५० नम्बरको अटो आफै अनियन्त्रीत भई डडुवाडाँडामा दुर्घटनामा परेको हो ।
दुर्घटनामा मानेभञ्ज्याङ गाउँपालिका–६ का ६८ वर्षिय बम बहादुर राईको बाँया हातको औला भाँचिएको र अनुहारमा चोट लागी गम्भीर घाईते भएको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले बताए ।
घाईते राईको उदयपुर घुर्मीको जनसेवा हेल्थ केयरमा सामान्य उपचार पश्चात थप उपचारको लागि काठमाण्डौ पठाइएको प्रहरी निरीक्षक सिंहले जानकारी दिए । अटो चालक ३५ वर्षिय गौतम राई प्रहरी सम्पर्कमा रहेको प्रहरीले जनाएको छ । उनको अवस्था सामान्य रहेको छ ।