ओखलढुंगाको चम्पादेवीमा ट्याक्टर दुर्घटना हुँदा एक जनाको घटनास्थलमै मृत्यु भएको छ भने चालक गम्भीर घाइते भएका छन् । मंगलबार साँझ ५ बजेको समयमा ओखलढुंगाबाट चम्पादेवी बिलन्दुतर्फ जाँदै गरेको लु ३ त ९९७४ नम्बरको ट्याक्टर चम्पादेवी गाउँपालिका –७ जोखरिया दुम्सेखोलामा आफै अनियन्त्रित दुर्घटना भएको हो ।
दुर्घटनामा परि ट्याक्टरमा सवार सिद्विचरण नगरपालिका – ७ का अन्दाजी २१ बर्षीय फुर्तेम्वा शेर्पाको घट्नास्थलमै ज्यान गएको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले जानकारी दिए ।
यस्तै दुर्घटनामा ट्याक्टर चदिालक मोलुङ गाउँपालिका–२ का अन्दाजी २५ बर्षीय अभय सुनुवारको टाउको र ढाडमा चोट लागि गम्भीर घाइते भएका छन् ।
घाइते चालकलाई उद्धार गरि ओखलढुंगा सामुदायिक अस्पताल पठाइएको र उनको अवस्था अवस्था गम्भिर रहेको प्रहरी निरीक्षक सिंहले जानकारी दिएका छन् । प्रहरीका अनुसार ट्याक्टर अनियन्त्रित भएर सडकबाट करिब ५० मिटर तल खसेको छ । मृतकको शव र ट्याक्टर घटनास्थलमै रहेको जिल्ला प्रहरी कार्यालय ओखलढुंगाले जनाएको छ ।