मानेभञ्ज्याङ गाउँपालिकाको मुख्य बजार क्षेत्रमा सडक वत्ति जडान गरिएको छ । गाउँपालिकाको मानेभञ्ज्याङ, जयराम र केत्तुके बजारमा सडक वत्ति जडान गरिएको हो ।
बजार क्षेत्रको सुरक्षा र नागरिकलाई सहजताका लागि सडक वत्ति जडान गरिएको गाउँपालिका अध्यक्ष ज्ञानेन्द्र रुम्दालीले बताए । चालु आर्थिक वर्षको आठ लाख बजेट मार्फत गाउँपालिकाको तीन वटा मुख्य बजारमा सडक वत्ति जडान गरिएको उर्जा संयोजक एमव् वडा नं.८ का वडा अध्यक्ष भिम बलाम्पाकी मगरले जानकारी दिए । यस वर्ष ९० वटा वत्ति जडान गरिएको मगरको भनाई छ ।