ओखलढुंगाको सुनकोशी गाउँपालिकामा ट्याक्टर दुर्घटना हुँदा तीन जना घाइते भएका छन् । बुधबार बिहान १२ः३० बजेको समयमा गिट्टी बाेकेर कोषहाटबाट च्यानम आउने क्रममा सुनकोशी गाउँपालिका-५ को ओख्रेमा दुर्घटना भएको हो ।

दुर्घटनामा परि घाइते हुनेमा चालक सुनकोशी गाउँपालिका-५ का अन्दाजी ४८ बर्षीय लेख बहादुर कटवाल, ट्याक्टरमा सवार सोही वडाका वीर बहादुर कट्वाल र लाल बहादुर कटवाल रहेका छन् । घाइतेमध्ये चालक लेख बहादुरको अवस्था गम्भीर रहेको उनका भाई सुमन कटवालले जानकारी दिए ।
लेख बहादुर र वीर बहादुरलाई उद्धार गरि स्थानीयले उपचारको लागि ओखलढुंगा सामुदायिक अस्पलाल पठाएका छन् भने सामान्य घाइते लाल बहादुर कटवालको स्थानीय मेडिकलमा सामान्य उपचार पछि डिस्चार्ज गरिएको छ ।
घटनास्थलमा प्रहरी पनि खटिएको जिल्ला प्रहरी कार्यालय ओखलढुंगाका प्रहरी निरीक्षक बालिस्टर सिंहले जानकारी दिए । घटनाबारे थप विवरण आउन बाँकी छ ।