ओखलढुंगामा प्रहरीले लाखौं मुल्य बराबरको अबैध पेय पदार्थ सहित ट्रक नियन्त्रणमा लिएको छ । मानेभञ्ज्याङ गाउँपालिका–६ जयरामघाटमा काठमाण्डौं बाट प्र.३–०१००६ ख ०९१० नम्बरको मालबाहक ट्रकमा ल्याएर विक्री गरिरहेको अबैध पेय पदार्थ सहित प्रहरीले ट्रक नियन्त्रणमा लिएको हो ।
बिना बिल, बिजक माउन्टेन डिउ, पेप्सी, मिरिन्डा अनलोड हुदैछ भन्ने गोप्य सूचनाको आधाररमा हर्कपुरबाट खटिएको प्रहरी टोलीले नियन्त्रणमा लिएको जिल्ला प्रहरी कार्यालयका प्रहरी निरिक्षक बालिस्टार सिंहले बताए ।
करिव पाँच लाख २२ हजार ५४४ मुल्य बराबरको अबैध पेय पदार्थ सहित ट्रक र चालक मानेभञ्ज्याङ गाउँपालिका–७ ओखलढुंगाका ३१ वर्षिय को बिबेक पराजुलीलाई अनुसन्धानका लागि नियत्रणमा लिईएको प्रहरी निरिक्षक सिंहको भनाई छ ।
माउन्टेन डिउ २.२५ लिटरको २५० कार्टुन, पेप्सी २.२५ लिटरको ५० कार्टुन, पेप्सी ५०० मि.लि.को १४ कार्टुन र मिरिन्डा ५०० मि.लि. को आठ कार्टुन प्रहरीले नियन्त्रणमा लिएको छ ।
अबैध सामान, मालबाहक ट्रक र चालक समेतलाई आवश्यक कार्बाहीको लागि आन्तरिक राजश्व कर कार्यालय ओखलढुंगामा प्रहरीले जनाएको छ ।