प्रथम पद्म स्मृती खुल्ला फुटबलको उपाधि पाराले जित्याे

प्रथम पद्म स्मृती खुल्ला फुटबलको उपाधि पाराले जित्याे


भिजन समाचार
371
Shares

प्रथम पद्म स्मृती स्पोर्ट्स क्लवद्धारा आयोजित खुल्ला फुटबल प्रतियोगिताको उपाधि सुनकोशी गाउँपालिका–६ पाराले जितेको छ । शनिबार भएको फाइनल खेलमा हुलाकडाँडा फुटबल क्लब ओखलढुंगालाई ३–१ गोल अन्तरले हराउँदै पाराले उपाधि हात पारेको हो ।

प्रतियायोगितामा विजेता बनेको पाराले ४४ हजार चार सय ४४ को साथमा ट्रफि मेडल र प्रमाणपत्र प्राप्त गरेको छ । यस्तै उप–विजेता बनेको हुलाकडाँडा फुटबल क्लवले ३३ हजार तीन सय ३३ को साथमा ट्रफि, मेडल र प्रमाणपत्र प्राप्त गरेको छ ।
प्रतियोगिताका सेमिफाइनलिष्ट दुई टिम साइनिङ स्टार युवा क्लब अँधेरी र मोलुङ स्टार युवा क्लब मोलुङले नगद सात हजार पाँच सय प्राप्त गरेका छन् । यस्तै प्रतियोगितामा पाराका डिकेश राई उत्कृष्ट खेलाडी, पाराकै सुशील आलेमगर उत्कृष्ट किपर, हुलाकडाँडा फुटबल क्लबका मिलन राई हाई स्कोरर र मिलन राई अनुसाशित खेलाडी घोषित भएको क्लबका अध्यक्ष सुरज राईले जानकारी दिए ।

प्रतियोगिताका विजेता, उप–विजेता, सेमिफाइनलिष्ट तथा उत्कृष्ट खेलाडीलाई सिद्धिचरण नगरपालिका मेयर तेजेन्द्र खनालले नगद् पुरस्कार, ट्रफि, मेडल र प्रमाणपत्र प्रदान गरेका छन् । पुरस्कार वितरण कार्यक्रमलाई सम्बोधन गर्दै मेयर खनालले खेल क्षेत्रको विकास र खेलाडीको क्षमता विकासका लागि नगरपालिकाले पनि सक्दो काम गरिरहेको बताएका छन् ।

प्रतियोगिता पौष २५ गते देखि २८ गतेसम्म सञ्चालन भएको थियो । प्रतियोगितामा १५ टिम सहभागिता भएको आयोजकले जनाएको छ । खेल सिद्धिचरण नगरपालिका–३ अँधेरीको खेल मदानमा भएको थियो ।