नेपाली काँग्रेस ओखलढुंगाका पूर्व सभापति तथा प्रजातन्त्र सेनानी दुर्योधन गिरीको निधन भएको छ । चम्पादेवी गाउँपालिका–४ फेदिगुठका गिरीको ७८ बर्षको उमेर विहिबार राती निधन भएको हो ।
काँग्रेस नेता गिरीले लामो समय देखी युरिक यसिड रोगको उपचार गराई रहेका थिए । उपचारको क्रममा ललितपुरको स्टार हस्पिटलमा गिरीको निधन भएको काँग्रेस ओखलढुंगा सचिव राजकुमार ढुंगानाले जानकारी दिए ।
नेता गिरीको निधनले ओखलढुंगा काँग्रेसलाई अपुरणीय क्षति पुगेको सचिव ढुंगानाले बताए । स्वर्गीय नेता गिरीको एक छोरा र एक छोरी छन् । गिरीको आजै पशुपती आर्यघाटमा दाहासंस्कार गरिएको छ ।