ओखलढुंगाको सिद्धिचरण नगरपालिका–८ लगलगेको चम्पादेवीमा एक लाख २४ हजार बढी भेटी संकलन भएको छ । हरिबोधनी एकदशीको अवरमा चम्पादेवीमा आएका दर्शनार्थीहरु बाट एक लाख ४१० रुपैयाँ र दान पेटिकामा २४ हजार १३० रुपैया भेटी संकलन भएको हो ।
मन्दिरका पुजारी टिकाप्रसाद चौलागाइँले उक्त संकलित घेटी चम्पादेवी उत्थान समितिलाई विहिबार हस्तान्तरण गरेका छन् । श्रद्धालु भक्तजनहरुबाट संकलित उक्त भेटी रकम मन्दिरको भौतिक विकास र मर्मत सम्भार, प्रवद्र्धनका लागि खर्च गरिने चम्पादेवी उत्थान समितिका अध्यक्ष बुद्धिमान तामाङले बताए ।
संकलित भेटी रकम सार्वजनिक तथा हस्तान्तरण कार्यक्रममा वडा अध्यक्ष एकराज तामाङले वडा भित्रका धार्मिक तथा पर्यटकीय सम्पदाको संरक्षण तथा प्रवद्र्धनमा नगरपालिका, प्रदेश तथा केन्द्र सरकारसँग बजेटको पहल भइरहेको जानकारी दिए ।