स्वर्गीय आमा बुवाको सम्झनामा छोराहरुले जेष्ठ नागरिक दिवा सेवा केन्द्र सिद्धिचरण नगरपालिका–१ तलुवालाई आवश्यक सामाग्री सहयोग गरेका छन् । सिद्धिचरण नगरपालिका–११ का फडिन्द्र श्रेष्ठ, भुपदास श्रेष्ठ र बालकृष्ण श्रेष्ठको परिवारले आफ्ना बुवा आमाको स्मृतीमा तलुवाको जेष्ठ नागरिक दिवा सेवा केन्द्रलाई आवश्यक सामाग्रि सहयोग गरेका हुन् ।

केन्द्रलाई स्टिल दराज एक थान, ग्यास चुल्हो एक थान, ग्यास सिलिन्डर एक थान, स्टिल मग ३० थान, स्टिल किस्ती दुई थान र कित्ली एक थान सहयोग गरिएको बालकृष्ण श्रेष्ठले जानकारी दिए ।
आमा बुवा जनक बहादुर श्रेष्ठ र आमा हिरा कुमारी श्रेष्ठको तिथिको अवसरमा सामाग्रि हस्तान्तरण गरेका छन् । केन्द्रमा आउने जेष्ठ नागरिकलाई सहजताका लागि आफूहरुले सामाग्री सहयोग गरेको श्रेष्ठले बताए । श्रेष्ठ परिवारले यस अघि पनि नगरपालिकाका विभिन्न स्थानमा सञ्चालनमा रहेका जेष्ठ नागरिक दिवा सेवा तथा मिलन केन्द्रहरुलाई आवश्यक सामाग्री सहयोग गरेका छन् ।